Иртәгә, 23 октябрьдә, "Өмет"ебезнең чираттагы 1919 нчы саны дөнья күрәчәк. Шулай ук газ...
Иртәгә, 23 октябрьдә, "Өмет"ебезнең чираттагы 1919 нчы саны дөнья күрәчәк. Шулай ук газета укучыларга Татарстан бүләге - "Татарлар - без бергә" кушымтасы да барып ирешәчәк. Бу атнада милли газетабыз нинди яңалыкларга бай соң? Губернатор Алексей Русских Вешкайма районында эш сәфәрендә булып кайтты. РФ Хөкүмәте Г.Тукайның тууына 150 ел тулуны бәйрәм итүгә әзерлек һәм аны уздыру буенча оештыру комитеты төзеде. Бөтендөнья татар конгрессы тарафыннан оештырылган 4 нче Бөтенроссия “Хәбәр” конкурсында безнең “Өмет” газетасы җиңү яулады. Иске Кулаткы районында Кулаткы елгасы аркылы күпер ремонттан соң яңадан ачылды. Ульяновск өлкәсендәге татар авыллары китапханәләренә яңа әдәби китаплар тарату башланды. "Өмет"ебезнең чираттагы кунагы - Россия Федерациясе гомуми белем бирүнең Почетлы хезмәткәре, федераль дәрәҗәдәге Хезмәт ветераны Рузалия Гаяс кызы Зиганшина. Ульяновск өлкәсе мөселманнарының региональ диния нәзарәтенә кергән шәһәр мәчетләре имам-хатыйблары бергә җыелып, сугыш афәтләре тукталсын, дип корбан чалдылар. Бу атнадагы җомга вәгазебез һәрбер мөселманга хас күркәм сыйфат – сабыр итү турында. Аллаһы Раббыбыз Изге китабында болай ди: “Сабыр итүчеләргә әҗер хисапсыз биреләчәк”. Шуңа күрә сабыр булырга тырышыгыз.