Улуус баһылыга Василий Алексеев Лөгөй нэһилиэгэр биир бастыҥ үлэлээх фермергэ Анатолий ... — 13 июня 2026 г. в 05:24:09.803
Улуус баһылыга Василий Алексеев Лөгөй нэһилиэгэр биир бастыҥ үлэлээх фермергэ Анатолий Бурнашев хаһаайыстыбатын сайылыгар ыалдьыттаата. Улууска биир улахан хаһаайыстыбалаах фермэр Анатолий Бурнашев кэлиҥҥи сылларга саха ынаҕын туспа тутан иитиинэн дьарыктанан эрэр. Ол курдук аан бастаан 100 саха боруодатын ньиирэйин атыылаһан аҕалан кыстаппыта. Билигин сайылыкка көһөн тахсан мэччирэҥҥэ сылдьаллар. Маннык хаһаайыстыбаны сайыннарыы тыа сирин инники кэскилин, олохтоох аһынан-үөлүнэн хааччыйыы биир сүрүн төрдө буолар. Улуус баһылыга Василий Петрович Анатолий Семенович сыралаах үлэтин үрдүктүк сыаналаата. Кэпсэтии кэмигэр хаһаайыстыба инники былааннарын, кыһалҕаларын ырыттылар. Тыа хаһаайыстыбатын үлэһиттэригэр судаарыстыба өттүттэн көрүллэр өйөбүл туһунан сэһэргэстилэр. Улуус салалтата олохтоох үлэһиттэри, ордук төрүт дьарыгынан дьарыктанар дьону, өрүү өйүүргэ бэлэмин биллэрдэ. Улуус дьаһалтатын пресс-сулууспата.