Улуус баһылыга Василий Алексеев Хомустаах бөһүөлэгэр Иван Иванович Бурнашев хаһаайыстыб... — 13 августа 2026 г. в 07:31:50.880
Улуус баһылыга Василий Алексеев Хомустаах бөһүөлэгэр Иван Иванович Бурнашев хаһаайыстыбатыгар сырытта. Иван Иванович хаһаайыстыбатын сатабыллаахтык салайан, сайыннарар туруу үлэһит. Кини күн бүгүн 140 төбө сүөһүнү, ол иһигэр 65 ыанар ынаҕы, ону таһынан 50 сылгыны көрөр-истэр. Хаһаайыстыбаҕа түөрт үлэһиттээх. Билигин күҥҥэ 500 лиитэрэ үүтү туттарар. Иван Иванович сылтан сыл кэскиллээх былааннары торумнаан, үлэтин хайысхатын кэҥэтэр. Быйыл убойнай сыаҕы тутан бүтэрэн, үлэҕэ киллэрэр былааннаах. Уотун линиятын улуус дьаһалтатын уонна бэйэ күүһүнэн саҥардан оҥорбут, ону сэргэ кыстык хотонун муостатын өрөмүөннүөхтээх. Салгыы сайдарга өссө биир сүрүн боппуруоһунан хаһаайыстыбаҕа саҥа техника наадатын эттэ. Бу тиэхиньикэ үлэни-хамнаһы биллэрдик түргэтэтэн, улахан төһүү күүһүнэн буолуо этэ диэн Иван Иванович санаатын үллэһиннэ. Улуус баһылыга Василий Алексеев хаһаайыстыба үлэтин-хамнаһын көрөн-истэн баран, сөптөөхтүк дьаһанан олорорун бэлиэтээтэ, итиэннэ инникитин ситиһиилэри баҕарда. Улуус дьаһалтатын пресс-сулууспата.