Улуус баһылыга Василий Алексеев II-с Байаҕантай нэһилиэгэр сырытта. — 13 августа 2026 г. в 10:59:55.604
Улуус баһылыга Василий Алексеев II-с Байаҕантай нэһилиэгэр сырытта. Маҥнай «Үтүө дьыала» өрөспүүбүлүкэтээҕи программа чэрчитинэн тутулла турар, эдэр исписэлиистэргэ аналлаах уопсай дьиэ тутуутун хаамыытын билистэ. Эбийиэк көҥдөйө бүтэн, ис өттүн оҥоруу үлэтэ салгыы ыытыллар. Тутуу үлэтин «Бэксэк» хааччахтаммыт эппиэтинэстээх тэрилтэ ыытар. Баһылык үлэ хаачыстыбатын уонна болдьоҕор бүтэрин туһугар хонтуруолу күүһүрдэргэ эттэ. Салгыы оҕо уһуйаанын эбийиэгэр сырытта. Уһуйаан муостата хамсаан, кыстатар кыаҕа суох буолан, үлэһиттэр бэйэлэрин күүстэринэн өрөмүөн ыыта сылдьалларын сэбиэдиссэй Тамара Аргунова көрдөрөн туран, матырыйаал ылалларыгар үп-харчы туруоруста, матырыйаала көстөрө буоллар уһуйаан благоустройствотын бэйэбит күүспүтүнэн оҥоруо этибит диэн санаатын эттэ. Улуус баһылыга Василий Петрович бу кыһалҕаны уталыппакка быһаарар сорудаҕы биэрэн, сайаапканы суһаллык бэлэмнииллэригэр сорудахтаата. Нэһилиэккэ биир улахан кэтэх хаһаайыстыбалаах Константин Тарабукин хаһаайыстыбатыгар сырытта. Константин Михайлович СӨ Тыатын хаһаайыстыбатын министиэристибэтиттэн субсидиятын ылан, 60 төбө сүөһүгэ анаммыт саҥа хотону тутан, күһүн үллэҕэ киллэрэр былааннаах. Василий Петрович тутуу хаачыстыбатын үрдүктүк сыаналаата. Салгыы бу курдук тэтими ыһыктыбакка, ситэрэн үлэҕэ киллэрэллэригэр баҕарда. Улуус дьаһалтатын пресс-сулууспата.