Һәркем булдыра ала торган бисквит рецепты — 26 сентября 2026 г. в 07:30:01.721
Һәркем булдыра ала торган бисквит рецепты Кайбер хуҗабикәләр килеп чыкмас дип куркып, бисквит пешерүдән баш тарта. Монысы сезнең һичшиксез уңачак. Кирәк булачак: 300 гр ак май, 350 гр шикәр комы, чеметем тоз, 6 йомырка, 300 гр он, 100 гр крахмал, 15 гр камыр кабарткыч (разрыхитель - рус.), 100 мл 3,5 процентлы сөт. Майны шикәр комы, тоз белән бергә күпергәнче бутагыз. Катнашмага берәрләп йомырка өстәгез. Бутауны дәвам итегез. Он, крахмал, камыр кабарткычны бергә кушып болгатыгыз. Катнашманы йомыркалы массага кушып бутагыз. Бисквит пешәчәк савытка махсус кәгазь җәегез. Камырны формага салып, 180 градуска кадәр җылытылган духовкада 25-30 минут пешерегез. Суынгач табынга чыгарырга була. 📍Файдалы булса, постны реакция белән бәяләгез, дусларыгызга җибәрегез. Югалтмас өчен саклап куегыз📝