Татарстан Республикасы Министрлар Кабинеты карары нигезендә, 2018 елның 1 гыйнварыннан ... — 7 июля 2026 г. в 12:09:13.342
Татарстан Республикасы Министрлар Кабинеты карары нигезендә, 2018 елның 1 гыйнварыннан авыл җирендә яшәүче яшь әниләргә бер тапкыр бирелә торган акчалата ярдәм күрсәтелә. Бу социаль ярдәм чарасы «Гаилә» илкүләм проекты кысаларында гамәлгә ашырыла, шуның белән ул яшь аналарга үз керемнәрен яки мөлкәти хәлен раслау таләп ителмичә өстәмә финанс ярдәме алырга мөмкинлек бирә. Быел исә әлеге түләү күләме икеләтә артты. Бүген район мәдәният йортында узган Бөтенроссия гаилә, мәхәббәт һәм тугрылык көненә багышланган тантанада Язгөл Рашид кызы Газизовага, 25 яшенә кадәр беренче баласын алып кайткан әни буларак, 100 000 сумлык сертификат тапшырылды. Моннан тыш, 2025 елның 1 гыйнварыннан, районыбызда демографик вазгыятьне яхшырту максатыннан, тагын бер сөенечле яңалык гамәлгә керде. Балтач районы башлыгы [id711893163|Рамиль Нутфуллин] инициативасы белән һәр яңа туган сабыйны котлап, ата-аналарга муниципаль бюджеттан 25 мең сум күләмендә бер тапкыр бирелә торган түләү билгеләнде. Әлеге программа да «Гаилә» илкүләм проекты ярдәмендә тормышка ашырыла. Бәйрәм сәхнәсендә бүген бәхетле мизгелләр күп булды, Рамил Рәшит улы Нотфуллин районыбызның өч гаиләсенә 25 мең сумлык сертификатлар һәм күпбалалы гаилә таныклыклары тапшырып узды! Диләрә һәм Айрат Бикбовлар гаиләсендә 5нче бала, Ризәлә һәм Зөлфәт Нәбиевлар гаиләсендә 3нче бала, Фирүзә һәм Илнар Фазыловлар гаиләсендә 3нче бала туган! Күпбалалы әти-әниләрне ихластан котлыйбыз! Районыбызда сабыйлар туып торсын, йортларда балаларның шат авазы бервакытта да тынып тормасын, һәр гаилә бәхеттә һәм муллыкта яшәсен иде! #Нацпроектсемья