Новости · 8 сентября 2026 г.

Ғәшүрә оло кейәүен баштан уҡ яратманы. Айсыуаҡтың модалы кейеме, яйлап ҡына иркэ һөйләш... — 8 сентября 2026 г. в 04:52:07.941

Ғәшүрә оло кейәүен баштан уҡ яратманы. Айсыуаҡтың модалы кейеме, яйлап ҡына иркэ һөйләшеуе, йомшаҡ баҫып атлауына тиклем окшаманы ғүмер буйы уҡытыусы булып эшлэгэн, алыштырғыһыҙ ауыл советы депутатына. “Тапҡан бер елғыуарҙы, жуликты”,-тип эстэн әрләй-әрләй, туй үткәрҙе. Кәләштең йәше 30-ға яҡынлай ине шул, ҡыҙының ирһеҙ ҡартайыуы ҡурҡытты уҫал ҡәйнәне. Йәш ғаилә Себер яғында төпләнде, ишәйҙе, ике улдары тыуҙы, “жулик” кейәү үҙ эшен булдырып, “спекулянтка, торгашҡа” әйләнде. Йылдар үтте, Айсыуаҡтың магазиндары бөтә ҡаланы баҫты, ә Ғәшүрәнең кейәүенә булған тойғоһо грамға ла кәмемәне. “Кеше ҡаны эсеп байый, мәлғүн, бында халыҡ бер тоҡ шәкәр һатып алырға аҡса тапмай, ә ул ике ҡатлы йорттар һалдыра”,- тип һөйләнеүен ишеткән ире Ғайса: “Ҡуй, әле әсәһе, шул бер балыҡ башы, ҡыҙым яҡшы кешегә эләкте, балда-майҙа йөҙә тип кыуаныр урынға… Ул бит заман геройы, маладса ир! Ғорурланырға кәрәк, кейәү бит беҙҙең абруйҙы ла күтәрә, ауыл уртаһында балҡып ултырған мәсет кем аҡсаһына төҙөлдө, балалар баҡсаһына кем ҡарай, Үәт, үәт, беҙҙең кейәү!”,-тип ҡатының телен тыя ҡайһы саҡ. https://yaikrb.com/news/novosti/2026-09-03/zhulik-key-hik-y-l-ys-n-is-uzhina-4801360