Эльвира Мозаффар | Ирек мәйданы

Фото

Укытучылар темасын дәвам итеп, Казанда уникаль бер музей бар - "Белем" дип атала. Биредә педагогик эшчәнлек тарихы чагылган. Алдан язылып, эчтәлекле экскурсия үтәргә була. Бушлай! Ниләр генә юк монда: инкыйлабка кадәрге сыйныф, борынгы парталар, кара белән язу каләмнәре, совет чоры мәктәбе, пионер һәм комсомол хәрәкәте истәлекләре, безнең кадерле Әлифба китабы, хәтта махсус күзлек киеп, 2345нче елда булачак заманча мәктәпне күрергә дә була. Габдулла Тукай, Салих Сәйдәшев, Бәшир Рәмиев һ.б. шәхесләрнең автографларын да "алырга" мөмкин. Электрон стендта укытучылар династиясе урнаштырылган. Кыскасы, һәркем өчен кызыклы, мәгьлүматлы, заманча музей. Адресы: КФУның Филология һәм мәдәниятара багланышлар институты Казан шәһәре, Татарстан урамы, 2 йорт.

+3

Бүген халыкара укытучылар көне! Татарстанда 32 меңгә якын укытучы исәпләнә. Элек-электән абруйлы булып саналган бу һөнәр. Сыйныфта чебен очкан тавыш та ишетелми, диләр иде элек дәрес биргән укытучылар хакында. Нинди шук укучылар да мөгаллимнәргә хөрмәт белән карый иде, каршы әйтергә шүрли, әти- әниләр баласын укытучыны олыларга кирәк дип үстерде.  Хәзер вәзгыять башка, күрәсең шуңа да, яшь белгечләр мәктәпкә эшкә килергә атлыгып тормый. Әмма, үз эшен яраткан, чын укытучылар җитәрлек. Барыгызны да һөнәри бәйрәмегез белән! Энергиягез ташып торсын, сез биргән белем, үгет- нәсыйхәтләр укучыларга тормышта дөрес юлдан барырга ярдәм итсен.  Минем укытучыларым: Римма Габдрахмановна, Нурия Нургалеевна, Васил Заһитович, Флера Раисовна чиксез рәхмәтләрем сезгә!

Пицца пешерәбезме? 300 мл җылы суга 1 кап коры чүпрә салабыз. 1әр чәй кашыгы тоз һәм шикәр комы өстибез. 20-30 мл. май (зәйтүн йә үсемлек мае) кушабыз. Он салып йомшак кына басабыз һәм 1 сәгатькә җылы урынга куябыз. Камыр күперә. Бу рецепттан ике пицца чыга. Камырны икегә бүлеп, шарлар әвәләп, кул белән җәябез. Түгәрәк җәймәләрне пергамент җәелгән табага куеп, духовкада пешерәбез. Төбе ябышмасын өчен кәгазьгә манный сибеп җибәрсәң дә була. Эчлек өчен:1 вариант- ысланган тавык , ананас, помидор, пекинский кәбестә яфраклары, сыр. 2 вариант: колбаса, помидор, болгар борычы, зәйтүн җимеше, сыр. Камыр өстенә башта майонез йә каймак һәм кетчуп кушылган соус җәябез. Мин гадәттә Моцарелла сырын кулланам.

НУРСӨЯ ЯРУЛЛИНА: "ХӘЗЕР ДӘ КАЙЧАК ФӘНИСНЕҢ ТАВЫШЫН ИШЕТКӘН КЕБЕК БУЛАМ". Танылган язучы Фәнис Яруллинның хатыны Нурсөя апа бер елдан артык инде сеңлесенең кызы Сәүияләр фатирында яши икән. –Фәнис абыйның фатирына барып гөлләргә су сибеп кайтам. Нурсөя апа ялгыз гына яши алмый инде хәзер, янәшәсендә кеше булса ышанычлырак, шуңа да үзебезгә алып килдек, – ди Сәүия апа Хәкимова. Нурсөя апа чәчләрен ике толым үреп куйган. 86 яшь икән инде үзенә, сөбханалла. Хәзер дә мәзәкчән әле ул. –Чәчләрне үрмәсәң, авызга керә бит ул,– ди елмаеп. Ул да түгел ачык тәрәзәдән зәңгәр күзле аксыл мәче килеп керде. – Әәә, бу минем Муртыш, –ди Нурсөя апа. – Бу мәчегә кем ничек тели, шулай дәшә, Муртыш та ул, Мурзик та, мин Пескәй дим. Аны ташлап калдырган булганнар. Без кызганып алдык, –ди Сәүия апа. –Нурсөя …

Диңгезне күреп, улы әтисеннән сорады: -Әти, диңгездән дә зуррак нәрсә була ала? -Океан диңгездән зуррак, улым. -Ә океаннан да зуррак нәрсә бармы? -Бу җир океаннан зуррак. -Ә җирдән дә зуррак ни булыр, әтием? -Синең бәхетсез атаңның гөнаһлары бу җирдән дә күбрәктер, улым. -Әтием, ул гөнаһларыңнан да зуррак башка нәрсә бармы соң? -Улым, әтиеңнең гөнаһларыннан Аллаһы Тәгаләнең рәхмәте, мәрхәмәте зуррактыр. Җомга мөбарәк булсын 🤲