Олы йомышны үтәгәч, салкын су белән юыныгыз
Олы йомышны үтәгәч, салкын су белән юыныгыз -Олы йомышны дөрес үтәмәү, эчәклек онкологиясенә китерергә мөмкинме? Хирург, онколог Ильдар Кадаев җавап бирә. –Гаҗәп тоелса да, тышка чыгуның чынлап та кагыйдәләре бар. Аларны үтәмәү онкологиягә китерми анысы, әмма, эч катуларны булдырмаска, геморрой, чатнауларны кисәтергә ярдәм итә. Төп кагыйдәләр: клетчаткага бай ризык ашагыз, каты көчәнмәгез. Унитазга утыргач, җиңелчә көчәнегез (10-20 секундтан артмасын), бар көчкә бит кызарганчы көчәнергә ярамый. Унитазда 3 минуттан да артык утырмаска тырышыгыз. Йомышны башкара алмыйсыз икән, 30-40 минуттан кабатлап карыйсың. Аяк астында берәр нәрсә кую, тезләр күтәрелебрәк тору җиңеллек бирә. Озак вакыт тышка чыга алмыйсыз икән эчне йомшата торган ризык, дару йә глицеринлы шәмчек кулланырга була. Йомышны үтәгәч, салкын су белән юынырга кирәк. Юеш салфеткалар, бәдрәф кәгазен мөмкин кадәр кулланмаска тырышыгыз. Алар арткы юлны ялкынсындыра. Әгәр тәһарәт алу мөмкинлеге юк икән спиртсыз салфеткалар белән сөртегез.