Үҙенең ауырға ҡалғанын тик өс ай үтеп барғанда ғына белде. Был хаҡта Моратҡа әйтергә аш...
Үҙенең ауырға ҡалғанын тик өс ай үтеп барғанда ғына белде. Был хаҡта Моратҡа әйтергә ашыҡты. Уныһы ҡыҙға һалҡын ҡараш ташлап: “Ә минең ни ҡыҫылышым бар унда? Һин ҡыҙ түгел инең. Минән башҡа әллә кемдәрең булғандыр әле”, – тип белдерҙе. Динә оялышынан, ярһыуынан ни әйтергә лә белмәне. Морат менән ғаилә ҡороу тураһындағы хыялдары бер секунд эсендә юҡҡа сыҡты. Баланан ҡотолорға кәрәк ине уға. Мейеһендә тик шундай фекер йәшәне. Дауаханаға барырға ҡурҡты. Атаһына барып ишетелер тип ҡото осто. Әхирәтенә генә һөйләне. Уныһы ауырҙан ҡотолоуҙың төрлө ысулдарын өйрәтә башланы. Динә бейектән һикереп тә төштө, эҫе һыуға ла ятты, әллә ниндәй үләндәр эсте. Тик барыһы ла юҡҡа ине. Ҡыҙ беленә башлаған эсен ҡыҫып бәйләп йөрөнө. Береһе лә һиҙмәне. Ә бына тулғағы тота башлағас ул урамға сығып китте. Сөнки дауаханаға барып эләкһә, барыһын да училищела ғына түгел, ә ата-әсәһе лә беләсәк. Шуға күрә Динә барыһын да үҙе ипләп кенә башҡарырға булды. https://ejansura.ru/articles/hikaya/2024-03-05/burala-tyu-an-sabyy-3670585