Үтүө дьыала — үрдүк үөрүү! ❤️
Үтүө дьыала — үрдүк үөрүү! ❤️ Алтынньы 1 күнэ — Кырдьаҕастар аан дойдутааҕы күннэрин көрсө, оскуолабыт актыбыыс үөрэнээччилэрэ волонтердара нэһилиэкпит саамай ытык саастаах олохтооҕор Дмитриева Аграфена Даниловнаҕа ис сүрэхтэн үтүө дьыала аахсыйатын тэрийэн ыыттылар👏😍 Маннык аахсыйалар оҕолору кыра саастарыттан кырдьаҕастары ытыктыырга, кинилэргэ көмөлөһөргө уонна үтүө майгыга иитэллэр. Бу сырыыга оҕолорбут уонна учууталларбыт ытык кырдьаҕаспыт олорор дьиэтин тэлгэһэтин бэрээдэктээн, ыраастаан биэрдилэр. Ону тэҥэ, убаастабылы уонна махталы бэлиэтээн, актыбыыс оҕолор аатыттан бырааһынньыгынан эҕэрдэлээн сэмэй бэлэх туттардылар☺️ Ытык саастаах олохтоохпут оҕолор сылаас сыһыаннарыгар, көмөлөрүгэр ис сүрэҕиттэн үөрдэ уонна бэйэтин алгыһын уунна. Кырдьаҕастарбытын харыстыыр уонна кинилэргэ өйөбүл буолар — биһиги оскуолабыт биир үтүө үгэһэ буолар, ону биһиги оҕолор уонна учууталлар умнумуоххайыҥ🙏🏻☺️