Кыайыы нэдиэлэтэ — 9 мая 2026 г. в 11:15:36.080
Кыайыы нэдиэлэтэ Ыам ыйын 4 күнүттэн 8 күнүгэр диэри А.В. Чугунов аатынан Мэлдьэхси орто оскуолата Улуу Кыайыы 81 сылын бэлиэтиир нэдиэлэҕэ үгүс тэрээһини ыытта. Бу кэм устата үөрэнээччилэр араас күрэхтэргэ, аахсыйаларга көхтөөхтүк кыттан, өбүгэлэрин хорсун быһыытын өйдөөн-санаан аастылар. Нэдиэлэ саҕаланыытыгар, үөрэнээччилэр кылаастарын түннүгүн «Кыайыы түннүгэ» бүтүн Арассыыйатааҕы аахсыйа чэрчитинэн киэргэттилэр. Ону таһынан, ыам ыйын 12 күнүгэр диэри оскуолаҕа «Стена Памяти» норуот мемориальнай аахсыйата ыйанна. Манна оҕолор Аҕа Дойду Улуу сэриитин кыттыылаах, Кыайыыны уһансыбыт аймахтарын мэтириэттэрин ыйаан, кинилэр сырдык ааттарын үйэтиттилэр. Нэһилиэк бибилэтиэкэтэ тэрийбит “Улуу Кыайыы оҕо хараҕынан” уруһуй күрэҕэр алын кылаас оҕолоро талааннарын көрдөрдүлэр. 1 миэстэ – Окороков Эрсан 3 кыл, 2 миэстэ – Михайлова Вилена 3 кыл., 3 миэстэ – Иванова Алисия 2 кыл., буоллулар. Окорокова Саяна 7 кылаас «Үктэл» медиа-киин