Казне велень библиотекарти — 20 июня 2026 г. в 17:13:00.073
Казне велень библиотекарти Торбеевскяй райононь Салазгорь велеса ломаттне аньцек шнама валса корхнихть велень библиотекарть А.А.Эрькинать колга. Ломанць сон пяк ответственнай, трудонь кельги, лац содасы эсь тевонц. Вяти оцю работа школаса тонафнихнень мархта. Аф кржа тиенди содаф земляконц З.Ф.Дорофеевонь творчестванц ванфтомаса. Кочкась колганза лама мялень салай материалда. Няфнесыне синь литературнай и лия ётафневи илатнень эса. Антонина Александровна велеряензон мархта максси оцю лезкс СВО-нь участникненди. Кодайхть кяшендемань сетьть, кочксихть гуманитарнай лезкс и прважсесазь боецоньконди. Тяда башка СВО-ть колга ётафни мероприятият. —Аш стама ила велеса, районца, коса ба афоль примсе участия А.А.Эрькина,—корхтайхть Салазгорень эряйхне.—Сонь работац сельминголе, няеви. Машты ломаттнень мархта покодема, илас тердема, пара тевс водендама. Трудс коре честське. Лама казнедонза Антонина Александровнань. А 12 июньцта Торбеева посёлкаса пяк цебярьста отмечазь Россиянь Шить. Тя оцю иласа А.А.Эрькина казьфоль Торбеевскяй муниципальнай райононь Почётнай грамотаса. Казнеть мокшавати максозе райононь главась С.Ф.Шичкин.