Ванфтсазь койхнень — 19 июня 2026 г. в 14:10:02.853
Ванфтсазь койхнень Зубово-Полянскяй районць козя история мархта мокшень уженя. А сире Жуку велеса фалу эрясть и эряйхть трудонь кельги ломатть, конат кородозь ванфтсазь эсь койснон-обуцяснон, макссесазь поколенияста поколенияс. Жукувонь од ломаттне Наталья Кочеткова, Наталья Надейкина, Ольга Иванова, Маргарита Полкачева, Татьяна Адайкина, Анастасия Арефкина, Вероника Курчатова пара мяльса сашендыхть бисероплетениянь кружокс, кона работай клубть видеса. Стирнятне поладсазь тевть, конань ушедозь бабасна, тядясна, тонафнесазь декоративно-прикладной творчествать и примайхть участия ётафневи илатнень эса. А тя тевса лезды теест козя опыт марх- та ломанць, Мордовия Республикань культурань Заслуженнай работниксь С.А.Панишкина. Стирнятнень работасна аф весть няфневсть аф аньцек Мордовиянь илатнень, выставкатнень эса, но и путневсть Москувонь выставкань площадкань экспозициятненди. С.А.Панишкина тя тевти шарфни пяк оцю мяль.