«Мокшень правдати» макссь 40 киза — 26 июня 2026 г. в 13:16:01.041
«Мокшень правдати» макссь 40 киза Кельгома «Мокшень правда» газетаньконди сентябрьста топоди 105 киза. Тя оцю пингста кие аньцек тяса ашезь покоде. Юбилей карша минь гордостень марязь лятфнесаськ Д.А.Любимкинонь, Н.В.Кубанцевать, А.П.Петрунинать, З.В.Шукшинать, Н.М.Лобановонь, В.В.Лазаревонь, Ф.А.Гавриловонь и лиятнень лемснон. Аш кода аф лятфтамс и печатень ветеранть, «Мокшень правда» газетать эсь корреспондентонц, трудонь кельги мокшалять В.А.Ерёмкинонь. Эсь кяльсонк лисенди газетати сон максозе сембе эряфонц. Ульсь эсь корреспондентокс Краснослободскяй, Темниковскяй, Ельниковскяй райоттнень эзга. Тядде Виктор Александрович васьфти кафта оцю юбилейхть. Эстеенза топоди августста 75 киза. И сентябрьста 105 киза ули «Мокшень правда» газетати, конанди максозень сембе одонь кизонзон.