Лятфнемань илядь — 3 июля 2026 г. в 09:45:01.840
Лятфнемань илядь Мордовскяй республиканскяй сокорхненди специальнай библиотекаса ётась лятфнемань илядь «Грозно грянула война» лем ала. Илань аноклайхне азондсть пуромфненди сянь колга, кода фашистскяй Германиясь врьгятсь странаньконь лангс, няфтсть видеопрезентация и историческяй хроникань кадрат. Лятфтазь, што 249 тёжяньда лама земляконьке тюрсть фашисттнень каршес. 100 тёжянць эздост казьф боевой орденца и медальса, 124 эздост максф Советскяй Союзонь Героень звания. Корхтамась моли легендарнай лётчикть М.П.Девятаевонь, А.Г.Махровонь, Е.Г.Акиняевонь, Ф.Ф.Коноваловонь и лиятнень колга. Лятфнемань илядьса примасть участия библиотекать лувиенза и ялганза. Эсь стихотворениянц лувозе Владимир Анашкин. Войнати, патриотизмань темати лемтьф стихт лувсть Диана Торонова, «Современник» литературнай объединениянь участникне Валентина Маркеева, Светлана Канаева, Алёна Шкрадова, Галина Евстигнеева. Мероприятиять пингста библиотекаса ётась «Лятфнемань штатол» патриотическяй акциясь. Л.КОРОТКОВА, главнай библиотекарсь.