Казьфтольхть инь цебярь семьятне — 18 июля 2026 г. в 14:37:00.191
Казьфтольхть инь цебярь семьятне 8 июльста Торбеевскяй районца цебярьста отмечазь семьянь, кельгомань и верностень Шить. Муниципальнай райононь оцюнять полафтыец А.И.Юганов казезень ся семьятнень, конат ащихть кепотьксокс лиятненди, шнафтсазь пряснон трудса, общественнай тевса. «За любовь и верность» медальса и Почётнай грамотаса казьфтольхть Вячеслав Иванович и Галина Павловна Смирнофне. Семьянь коень-обуцянь ванфтоманкса, цебярьста идень воспитандаманкса, активнай гражданскяй позициянкса районнай администрациянь Почётнай грамотаса казьфт Иван Семёнович и Елена Васильевна Левштанофне, Евгений Владимирович и Кристина Александровна Башкирцефне, Игорь Владимирович и Светлана Владимировна Лискиттне. «Союз женщин Мордовии» организациясь Почётнай грамотаса казезе Василий Васильевич и Надежда Викторовна Балаефнень семьяснон. Башка шнама валхт азфтольхть Николашиттнень семьяснон колга. Анатолий Викторович и Антонина Сергеевна касфтыхть лама идь. Цёрасна, Сергей, максозе эсь эряфонц Родинаньконь араламста, шавовсь СВО-са. Омбоце цёрасна, Виктор, тяни тюри бандеровецнень каршес. Николашиттне тожа казьфтольхть районнай администрациянь Почётнай грамотаса.