ВДНХ-са ётафтови фестиваль — 20 августа 2026 г. в 10:59:01.458
ВДНХ-са ётафтови фестиваль Москувонь ВДНХ-са ётафтови «Вкусы России» ветеце гастрономическяй фестивальсь. Тядде сон лемтьф странасонк эряй нароттнень марстоньшиснонды. Мордовияти ули мезе няфтемс тя фестивальса. Инжихнень учсазь знаковай кафта брентт. Сивольста аноклаф ярхцамбялень кельгихнень пуроптсыне «Кудса коптиндамась». Тяса семботь аноклакшнесазь семьянь кунардонь рецепттнень коряс. Ярхцамбяльса аш кодамовок химия. Кеняртьфтсазь фестивалень участникнень органическяй продуктаса. Семботь тянь ули кода и варжамс, и рамамс. Танцтида башка, ломаттнень учсыне культурнай мялень салай программа: мастер-классне, фольклорнай ансамбльхнень и кштимань коллектифнень выступлениясна, конат усксть Москуву лама мялень кеподи номер. Земляконьке мувихть ВДНХ-са «Кевонь панчф» фонтанть и нароттнень Ялгаксшинь площадьснон ёткса вастса. 23 августста фестивалень главнай сценаське ули максф минь земляконьконди Елена Помозовати, Анна Пиксайкинати, Ольга Живайкинати, Гриша Петровонди. Аф кармайхть ширеса ащема «Эх, Мордовочка» и «Азорава» ансамбльхне.