Мордовияса «Вода России» экологическяй акциять итогонза — 20 августа 2026 г. в 11:19:00.535
Мордовияса «Вода России» экологическяй акциять итогонза Тядде Мордовиясь поладсь «Вода России» всероссийскяй оцю акцияти. Сон эрь кизоня ётафневи «Экологическое благополучие» национальнай проектть мяльса кирдезь. Акциять целец—ведень объекттнень экологическяй шумбралгофтомасна и ванфтомасна. Республикань эряйхне лисендсть субботникненди и петнезь-тиезь эрь кодама водоёмтнень прибрежнай территорияснон. Башка мяль шарфневсь ваймосемань содаф васттнень лангс. Мордовияса акциясь пуроптсь 1 630 волонтёр республикань сембе райоттнень эса. Синь вийснон вельде кочкаф 133 кубометра кархч и ароптф 110 гектарда лама ляень и эрьхконь беряконь зона. «Вода России» акциясь арась Мордовиять природнай козяшинзон ванфтомаснонды эрявикс аськолксокс. Волонтерхнень, республикань эряйхнень и тястоконь властень представительхнень участиясна няфтезе, што перьфпяльть колга заботендамась–тя марстонь тев, кона веши марстонь вийхть.