ЛАРГАТЬ ВИДЕСА ТЮРЕМАСЬ — 18 июля 2026 г. в 14:15:01.052
ЛАРГАТЬ ВИДЕСА ТЮРЕМАСЬ 1770 кизонь 18 июльста П.А.Румянцевонь рузонь армияц Ларгать видеса сяськозе лувксс коре сондедонза кафксть сяда оцю турецкяй армиять. Румянцев нолдазе тевс войскатнень колоннаса молемаснон коряс од тактикать. Тюремста стройсь срадондсь, мезсь шорсесь видеста повомс эзост. Румянцевонь конницанц каршес тевс нолявсть пушкатне. Тюремась шарфтсь Россияти стратегическяй сяськомакс, сявфоль турецкяй 33 орудия и вражескяй оцю лагерь. Тя сяськоманкса Румянцев казьфоль Святой Георгиень 1-це степенень орденца. «АФ РОГАТКАТ, А ТОЛ И МЕЧ» Кавалерияньке, конань ашезь сата смелшиц тюремс турецкяй шпагатнень мархта, кяшендсь кареса и ашезь сатне сатфкст. Румянцев сувафтозе пехотать кой-мзяра карес, кажнайсь эздост ащесь кафта тёжяньцта сявомок ниле тёжянти молемс ломаньцта, и ёфси атказась рогаткатнень эзда. «Аф рогаткатне, а толсь и мечсь аралаенте»,—тяфта доблестнай воинць корхнесь солдатонзонды. Кавалериять водендакшнезе кареть ёткс или линияснон фталу, мярьгомок, штоба всадникне нолялезь тевс аф ляцендемать (кода ульсь инголи), а «кельме» оружиять. Верховнай визирсь полчищанзон мархта, самок июнть ушетксста Исакчав, ёрась ётамс Дунайть пачк и кенерсь кучемс кемонь тёжятть ломань лезксонди крымскяй ханти, кона ащесь Кишинёвса. Мзярда ханть передовой ополчениянза тапафтольхть, 15-це июньцта, Рябой Могилать видеса, татархне тусть Ларга ляйть омбоце ширезонза и, шовордавомок турецкяй отрядть мархта, кочкасть пцтай 80 тёжянь ломань. Румянцевонь войскац ульсь колмоксть сяда ёмла, но тя ашезь шорсе врьгятемс лангозост. 7 июльста турецко-татарскяй армиясь потась меки. Юмафкссна—тёжятть ломань, ширденк шавфта—колмогемонь, ранендафта—кодгемонь ломань.