Васьфтезь ФСБ-нь сотрудникне — 18 июля 2026 г. в 13:24:01.036
Васьфтезь ФСБ-нь сотрудникне Ардатова ошса эряй авать кядьста ярмаконь получамать пингста ФСБ-нь сотрудникне кирдсть кафта алят. СВО-ть мархта сотф пандомать инкса лезксонкса афтерьксне авать кядьста анасть ярмак. 2026 кизонь мартста Ардатова ошень эряйхне авати азсть мяль лездомс получамс ярмак, кона путф СВО-нь зонаса шавф военнослужащайть мала ломанензон лемс. Тя услугать инкса синь анасть 200 тёжянь цалковай. Авась макссь теест 50 тёжянь цалковай. А мзярда алятне састь пялонза лядыкс суммать инкса, синь учсезь ни Мордовиять эзга УФСБ-нь оперативникне. Алятнень кирдезь тозк. Следовательхне фигуранттнень колга кочкасть сатомшка доказательства. Синь муворгофнесазь мошенничествать колга статьять коряс, кона тифоль лама ломанень вельде. Тевсь максф суду, кона арьсесы муворуфнень сяда товолдонь судьбаснон.