Республикаса ВЕТТНЕНЬ ВАКССА мольфтевихть профилактическяй рейтт — 18 июля 2026 г. в 12:58:00.419
Республикаса ВЕТТНЕНЬ ВАКССА мольфтевихть профилактическяй рейтт Пси погодать саманц мархта республикань эряйхне сяда сидеста ваймосихть эрьхкть ваксса. Штоба ломаттнень мархта афоль лисе кодамовок зиян, республикань муниципалитеттнень эса Мордовия Республикать эзга Россиянь МЧС-нь сотрудникне и администрациянь представительхне эрь шиня ётафнихть рейтт. Специалисттне лятфнесазь эряйхненди ведь лангса прянь вятемань правилатнень, явондыхть памяткат, конатнень эса азондови, кода лездомс зиянц повф ломанти, и ётафнихть корхнемат ваймосихнень мархта. Башка мяль шарфнихть аф совершеннолетняй шабатненди, конат сашендыхть ведть ваксс ськамост, оцю ломаньфтома. Рузаевскяй районца и Саранскяйса проверязь эшеляманди кондясти васттнень и сятнень, коса эшелямс аф мярьгондеви. Ковылкинскяй районца недяляста комсь кафксть ульсть ванфт аф санкционированнай эшеляма васттне. Ромодановскяй районца ваймосихнень и калонь кунцихнень мархта ётафтсть разъяснительнай корхнемат и явсть памяткат. Штоба афоль уле зиян ведть ваксса ваймамста, эряви содамс и ванфтомс ведть лангса прянь вятемань правилатнень: - эшеляда аньцек ся вастса, коса мярьгондеви тя тиемс; - тяда сувсе ведти ирецта; - тяда комотне и тяда чёпафне ведти аф содаф вастса; - тясть кадонда шабатнень ведть ваксс мельгаст апак ватт. Кда тинь пингстонт ведь лангса лиссь зиян, эстокиге гайфтеда 112 номерть коряс. Ванфтость эсь прянтень и мала ломанентень!