Национальнай проектсь тевса: кода полафневи Мокша ляйть трвац — 18 июля 2026 г. в 12:23:00.555
Национальнай проектсь тевса: кода полафневи Мокша ляйть трвац Темникавса сяда тов мольфтеви Мокша ляйть набережнаенц петемац-мазоптомац. Проектсь арась сяськикс 2026 кизонь ошень цебярь средань тиемань инь цебярь проектонь Всероссийскяй конкурсса, кона ётафневи эряфс «Инфраструктура для жизни» национальнай проектонь «Формирование комфортной городской среды» федеральнай проектть мяльса кирдезь. Объектть анокшиц пцтай 70 процент. Малат тротуарнай плиткать ацаманц коряс работать шумордаманцты, монтировандафт смотровой площадкась и парковай нюряпне. Тяниень пингть специалисттне сяда тов тиендьсазь амфитеатратнень, сценать и «Темников» арт-объектть, а стане жа вятьсазь парконь валдоптомань петематнень. Одкстоптф общественнай пространствань нинге фкя эрявикс элементокс арась тяниень пингонь идень налхксемань площадкась. Сон тяфта жа тиф «Инфраструктура для жизни» национальнай проектть «Формирование комфортной городской среды» федеральнай проектонц видеса и арай цебярь вастокс идь мархта семьятненди ваймаманди и ётка пингонди. Сембе работатнень шумордамда меле Мокша ляйть набережнайц арай тяниень пингонь общественнай вастокс, кона пуропнесыне марс якамань зонатнень, ваймамань васттнень, идень налхксемань площадкатнень и культурно-массовай мероприятиянь ётафтомс площадкатнень. Одкстоптф территориясь арай пуромома вастокс кода Темникавонь эряйхненди, стане и ошень инжихненди.