Мяляфтыхть сиренятнень колга — 24 июля 2026 г. в 16:56:01.187
Мяляфтыхть сиренятнень колга Сире Шайгавонь райононь эряфкшу ломаттне оцю мяль шарфнихть эсь шумбрашиснон лангс. Эрь шиня пуромкшнихть населениять социальнай ширде араламанц коряс отделозонза. Сашендыхть аф аньцек Сире Шайгавста, но и райононь велетнень эзда. Нят педагогическяй трудонь, медицинань, культурань ветератт, простой колхозникт, предприятиянь ингольдень рабочайхть. Тяса тиихть зарядка, упражненият, ётафнихть эсь ётксост налхкомат, пялькстомат. Тяда башка сиренятне азонкшнихть эсь кудонь тевснон, прябаласнон колга. Корхнихть сянь квалма, кие кодама тяльмот аноклась баняв, тись компотт, вареньят, кинь кода кассть перень сёронза. —Кудса кяльфтомат, корхтай ялгаце телевизорсь,—мярьгсь Сире Шайгавонь фкя мокшавась.—А тяза саят, аф кенерят кафта пяли пряцень шарфтомс, пингсь ётась. Оцю спасиба сембонди, кие тя пуромома вастть арьсезе, кие пичеди инксонк, кулхцонкшнесыне эняльдеманьконь, лезды.