Лиссь од книга — 24 июля 2026 г. в 14:04:01.101

Лиссь од книга ⁣ «Кундалихтень, варма, пацяда» ⁣ М.Ф.Агеевать (Стешинать) лемоц цебярьста содаф минь республикасонк. Сон мокшень поэт, писатель, аф кальдяв журналист. Сёрмады лама жанраса. И эрть эса сафтсы. Кона темати афоль кярьмоде, крня лаца орадсы, панчсы сембе ширде. Трудендась радиоса. Аноклакшнесь мокшень кяльса передачат. Синь кепотькшнезь кулхцондыхнень мяльснон. Марина Фёдоровна фалу вешендсь и мушендсь од авторхт, интереснай темат. Вестевок ашезь тапа фкя вастса. Тячи сон азонды содаф политиконь, общественнай деятелень колга, ванды сонь героец трудонь кельги мокшаля кодамовок мокшень велеста. И сембонь сон корхтафнезень, сембонь мархта мушендсь фкя кяль.