Ётнихть производственнай практика — 31 июля 2026 г. в 12:38:00.613
Ётнихть производственнай практика Саранскяень автомеханическяй техникумонь студенттне ётнихть производственнай практика региононь агропромышленнай холдинкнень эзда фкять видеса. Автотранспортнай средстватнень техническяй обслуживанияснон и петемаснон коряс сай пингонь специалисттненди удалась нолдамс тевс получаф содамошиснон предприятиянь опытнай наставникнень руководстваснон ала. Колмоце курсонь тонафнихне няфнезь эсь маштомошиснон афкуксонь производственнай условияса. Опытнай наставникнень руководстваснон ала синь ванондозь и кочксезь техникань инь стака сотксснень, тонафнезь инженернай чертешнень и покодсть профессиональнай ункстамань оборудованиять мархта. 1-це сентябрьста Саранскяень автомеханическяй техникумонь студенттне кармайхть тонафнема «Молодежь и дети» национальнай проектонь «Профессионалитет» федеральнай проектть коряс. Предприятиятне колледжнень мархта аноклакшнихть тонафнемань программат и водендакшнесазь эсь сотрудникснон тонафтомань тевти. Тянь вельде студенттне лисендихть трудонь рынкав анок квалификация мархта. Работань макссихнень участиясна тонафнемань процессть вятемаса максы гарантия, што выпускникнень улихть ся маштомошисна, конат тячи эрявихть региононь ведущай предприятиятненди.