Артем Здунов ётафтсь васедема — 20 августа 2026 г. в 09:35:00.873

Артем Здунов ётафтсь васедема ⁣ 18 августста Мордовиянь Оцюнясь Артём Здунов ётафтсь рабочай васедема «СаранскСпецТехника» компаниять руководстванц мархта, кона тиенди легковай прицепт. Предприятиять производствац вятеви 2012 кизоста сявомок и тяни ноляй ковти фкя тёжяньда лама единица продукция, сувсемок странаса легковай прицепонь вете инь оцю производительхнень ёткс. Продукциясь вешеви аф аньцек Россияса–пачфневи Белоруссияв и Казахстану. Васедемаса корхтафоль сяда товолдонь производственнай платтнень колга. Тядде предприятиясь шумордасы Саранскяйса эсь сервиснай центранц строяманц, тя лезды дополнительнай рабочай вастонь эвондамати и рынкаса позициятнень кемокстамаснонды.