ааҕыытынан саҕаламмыта сонун буолла. — 2 апреля 2026 г. в 08:45:20.630
ааҕыытынан саҕаламмыта сонун буолла. Биир дойдулаахтар, аймахтар ааттарыттан Тимофей ИВАНОВ, Елена МАЛЬЦЕВА, Акимар МИХАЙЛОВ, Зоя СЕМЕНОВА, Валерий СЕМЕНОВ, Афанасий ТИМОФЕЕВ ахтан-санаан истиҥ тыллары эттилэр. Павел Григорьевич бииргэ төрөөбүт эдьиийдэрэ Саха Өрөспүүбүлүкэтин уус-уран оҥоһуктарын маастардара. Мария Григорьевна Саха Өрөспүүбүлүкэтин үөрэҕириитин туйгуна, үрдүк категориялаах маастар-педагог, Варвара Григорьевна РСФСР норуотун үөрэҕириитин туйгуна. Эдьиийдэр барахсаттар бырааттарынан туһунан ахтыылара, кийииттэригэр, сиэннэригэр махтал тыллара, киэн туттуулара көрсүһүү долгутуулаах түгэнинэн буолла уонна биһиэхэ үтүө өйдөбүлү хаалларда. Түмүккэ Елизавета Гаврильевна кинигэ тахсыытыгар көмөлөспүт, өйөөбүт, билиһиннэриигэ кыттыбыт дьоҥҥо махтанна. «Дархан Уус Павел Григорьевич Тимофеев» кинигэ өбүгэ олоҕун-дьаһаҕын, итэҕэлин, кэрэҕэ кэрэхсибилин кэпсии, ДАРХАН УУС аатын кэрэһилии туруоҕа! Надежда Иванова, Саха Өрөспүүбүлүкэтин култууратын үтүөлээх үлэһитэ, Арассыыйа суруналыыстарын Сойууһун чилиэнэ