«Дархан Уус Павел Григорьевич Тимофеев» кинигэ сүрэхтэннэ — 2 апреля 2026 г. в 08:45:20.403
«Дархан Уус Павел Григорьевич Тимофеев» кинигэ сүрэхтэннэ Муус устар 4 күнүгэр М.Н. Жирков аатынан Оройуоннааҕы култуура Дыбарыаһыгар биир дойдулаахпыт Бүлүү улууһун Бороҕон нэһилиэгиттэн төрүттээх, Саха Өрөспүүбүлүкэтин норуотун маастара, Саха Өрөспүүбүлүкэтин Дархан Ууһа, Арассыыйа худуоһунньуктарын Сойууһун чилиэнэ, айылҕаттан талааннаах уус Павел Григорьевич Тимофеев сырдык кэриэһигэр анаммыт «Дархан Уус Павел Григорьевич Тимофеев» ахтыы-кинигэни билиһиннэриигэ конференц-сааланы толору сэргээччи мустан үрдүк таһымнаахтык сүрэхтэннэ. Кинигэни кэргэнэ Елизавета Гаврильевна уонна кыыһа Надежда Павловна хомуйан таһаардылар. Кинигэҕэ маастар төрөөбүт алааһыгар оҕо сааһыттан саҕалаан, идэлээх үлэһит буолан, айылҕаттан анаммыт уус идэтин баһылаан саха төрүт үгэһин үйэтитиигэ уонна кэлэр көлүөнэҕэ тиэрдиигэ киллэрбит сүҥкэн кылаатын, ситиһиилэрин туһунан ахтыылар түмүллүбүттэр. Кинигэ билиһиннэриитин Н.Г. Чернышевскай аатынан Бүлүүтээҕи профессиональнай–педагогическай колледжын Учуутал түмэлин сэбиэдиссэйэ Матрена САВВИНОВА салайан ыытта. Павел Григорьевич аймахтара, доҕотторо, үөлээннээхтэрэ, салайааччылар, биир идэлээхтэрэ, барыта 132 киһи, ахтыылара киирбит 366 лиистээх, 4 түһүмэхтээх, тупсаҕай көрүҥнээх кинигэ тутулун Елизавета Гаврильевна билиһиннэрдэ, кинигэни таһаарбыт “АЛААС” издательствоҕа истиҥник махтанна. Бүлүү улууһун дьаһалтатын баһылыга С.Н. ВИНОКУРОВ, улуус дьокутааттарын Сэбиэтин бэрэссэдээтэлэ Г.С. КОРЯКИН, култуура сайдыытын уонна норуот айымньытын Оройуоннааҕы киинин салайааччыта А.А. ДАШЕВСКАЯ, Бүлүү улууһун үөрэҕириитин идэлээх Сойууһун кэмитиэтин бэрэстээтэлэ, Бүлүү улууһун идэлээх Сойуустарын кэмитиэттэрин Сүрүннүүр Сэбиэтин салайааччыта С.С. СЕМЕНОВ, И.М. Гоголев-Кындыл аатынан Бүлүүтээҕи кииннэммит бибилитиэкэ ситимин ыччат бибилитиэкэтин сэбиэдиссэсэ С. С. НИКОЛАЕВА, В.О. Каратаев аатынан олоҥхоһуттар уонна тойуксуттар норуодунай кэлэктииптэрин салайааччыта С.Т. ИВАНОВА, Н. И. Ылахова аатынан «Алгыс” национальнай-култуурунай киин уус-уран салайааччыта Августина ЕВСЕЕВА, доҕоро Виктор ПЛАТОНОВ Елизавета Гаврильевнаны эҕэрдэлээн туран махтаннылар. Үөһээ Бүлүүттэн чороон оҥорооччу эдэр уус Михаил ЕГОРОВ - Хаттаанай, Бүлүү уустара Виктория ЛЕОНТЬЕВА, Ксенофонт ГЕРАСИМОВ, Реворий ЧЕМЧОЕВ – Чөмчөө Уус, Иван ПАВЛОВ –Утум Уус, Николай ГОГОЛЕВ- Бычаа Уус, Сусанна СЕМЕНОВА, Светлана ПЕТРОВА, Степан ВАСИЛЬЕВ Павел Григорьевиһы ураты куттаах саха саарына буоларын, оҥорон хаалларбыт сүдү айымньылара норуот ускуустубатыгар дьоһун суолталааҕын бэлиэтээтилэр. Намнааҕы педагогическай училищеҕа уонна Саха судаарыстыбаннай үнүбүрсүтүөтүгэр бииргэ үөрэммит доҕотторо Петр СТЕПАНОВ, Кирилл ВАСИЛЬЕВ, Марк СПИРИДОНОВ, Августина БУРНАШОВА, үөрэтэр-производственнай комбинакка бииргэ үлэлээбит Василий МОСОВ ураты дьоҕурдаах уус, үтүө-мааны сүбэһит, уһуйааччы быһыытынан иһирэхтик аҕыннылар. Павел Григорьевич олоҕун биир сүрүн кэрчигэр өр сылларга уһуйааччы быһыытынан таһаарыылаахтык үлэлээбит уруккута «КЭСКИЛ” оҕо Киинэ, билигин Н.И. Протопопова аатынан «КЭСКИЛ” оҕо айар, тобулар дьоҕурун сайыннарар Киинин улахан кэлэктиибэ дьоһуннаахтык оҥостон эҕэрдэлии кэлбиттэрин көрсүһүү кыттыылаахтара биһирии, кэрэхсии көрүстүлэр. Киини өр сылларга салайбыт Саха Өрөспүүбүлүкэтин үөрэҕириитин үтүөлээх үлэһитэ Наталья АЛЕКСЕЕВА, билиҥҥи салайааччы Саргылаана ВАСИЛЬЕВА Павел Григорьевич оҕо иитиитигэр, оҕо дьоҕурун сайыннарыыга үтүөтүн киэн тутта кэпсээтилэр, хуорунан ырыа бэлэхтээтилэр. П.Х.Староватов аатынан Бүлүүтээҕи кыраайы үөрэтэр түмэлтэн Екатерина МИХАЙЛОВА, Василина ТАРАХОВСКАЯ Павел Григорьевич түмэли кытта сибээһин кэрэһитэ И.Ф. Захаров-Кылыадьы Уус аатынан Хомус түмэлин иннигэр турар Хомус Мэҥэтигэр үрдүк халлааҥҥа көтөөрү дайан тэлэбирэһэ турар икки күөрэгэй чыычаахтары оҥорбута кинини саната туралларын кэпсээтилэр. Аймахтарын уонна биир дойдулаахтарын эҕэрдэлэрэ Елизавета Гаврильевна Павел Григорьевич бииргэ төрөөбүт эдьиийэ Мария Григорьевна быраатыгар анаабыт хоһоонун