уонна инбэлииттэр Дьиэлэрин дириэктэрэ Алексей МАНДАРОВ, култуура сайдыытын уонна норуо... — 23 марта 2026 г. в 06:52:27.974
уонна инбэлииттэр Дьиэлэрин дириэктэрэ Алексей МАНДАРОВ, култуура сайдыытын уонна норуот айымньытын Киинин салайааччытын э.т. Эльвира КОРЯКИНА эҕэрдэлээтилэр. Бүлүүтээҕи «Харысхал” түмсүү салайааччыта Светлана ИВАНОВА «Анал байыаннай дьайыы волонтера” бэлиэни туттарда. Тыл эппиттэр Маргарита Алексеевна тус олоҕунан, хамнастаах үлэтинэн эрэ му²урдаммакка улууспут култуурата сайдарын, улуус олохтоохторо нус-хас олохтоох, ыччата ыраас ыралаах, кэрэ кэскиллээх буоларын ту´угар уйан дуу´ата уоскуйбатын, кэрэни эрэ кэрэ´илиирин, µтµ³±э эрэ µлµмнэ´эрин µрдµктµк сыаналаатылар. Үөһээ Бүлүү улууһун Далыр уонна Маҥаас нэһилиэктэриттэн биир дойдулаахтара анаан-минээн кэлэн эҕэрдэ истиҥин эттилэр, киэн туттууларын биллэрдилэр. Бэстибээл-күрэххэ кытта кэлбит норуодунай тыйаатырдар режиссердара биир идэлээхтэрин эҕэрдэлээн туран Маргарита Алексеевна култуура эйгэтигэр өр сыллаах сыралаах үлэтэ, таптыыр идэтигэр уостубат умсулҕана, сүдү бэриниитэ кинилэргэ үтүө холобур буоларын бэлиэтээтилэр. Маргарита Алексеевна бу киэһээҥҥи үрдүк үөрүүтүнэн В.Д. Поленов аатынан Арассыыйатааҕы судаарыстыбаннай норуот айымньытын Дьиэтин дириэктэрэ Тамара Пуртова Махтал Суругунан бэлиэтэммитэ буолла. Үтүө-мааны киһибит Маргарита Алексеевна дьоро киэһэтин киэҥ ис хоһоонноохтук, үрдүк уус-уран таһымнаахтык тэрийбит Н. И. Ылахова аатынан "Алгыс" национальнай-култуурунай Киин дириэктэрэ Алена СПИРИДОНОВАҔА, үбүлүөйдээх киэһэ режиссера Мария ИВАНОВАҔА, исписийэлиистэр Мария АЛЕКСЕЕВАҔА, Августина ЕВСЕЕВАҔА, Федора АЛЕКСЕЕВАҔА, Иван ТУЛААҺЫНАПКА, Ренат ИВАНОВКА, Оройуоннааҕы Киин исписийэлииһэ Владимир АФАНАСЬЕВКА уонна тэрийсибит, сүүрбүт-көппүт бары биир идэлээхтэрбитигэр махталбытын тиэрдэбит! Нэһилиэнньэ күүппүт-кэтэспит маанылаах киэһэтин кэрэ көстүүтүн сатыырбынан тиэрдэ сатаатым. Сүүстэ истибиттээҕэр – биирдэ көрбүт ордук. Маргарита СОКОЛОВА салайар үйэлээх үгэстэрдээх Бүлүү тыыйаатыра баар, өрүү баар буолуо! Онон, мантан салгыы өссө да элбэх испэктээктэр туруоруллуохтара, сылдьыҥ, сэргээҥ. Көтүппэккэ сылдьа, сэргии, кэрэхсии туруохха! БЫЫС ЭМИЭ АҺЫЛЛАР: БҮЛҮҮГЭ НОРУОТ ТЫЙААТЫРДАРА Кулун тутар 20 күнэ. М.Н Жирков аатынан Оройуоннааҕы култуура Дыбарыаһын саалатыгар норуодунай тыйаатырдар икки ардыларыгар "Ытык Бүлүү ыҥырар!" аһаҕас өрөспүүбүлүкэтээҕи бэстибээл-күрэх аһылынна. Күрэххэ кыттар норуот тыйаатырдарын туруорууларын сыаналыыр Сүбэ састаабыгар П. А. Ойуунускай аатынан Саха академичекай тыйаатырын литиэрэтиирэҕэ салаатын үлэһитэ, Саха Өрөспүүбүлүкэтин театральнай диэйэтэллэрин Сойууһун бырабылыанньатын чилиэнэ, Надежда ОСИПОВА, Н.Г. Чернышевскай аатынан Бүлүүтээҕи профессиональнай-педагогическай колледж преподавателэ, Саха Өрөспүүбүлүкэтин үөрэҕириитин уонна култууратын туйгуна, Арассыыйа үөрэҕириитин уонна билимин бочуоттаах үлэһитэ, Саха Өрөспүүбүлүкэтин үөрэҕириитин үтүөлээх үлэһитэ Анастасия НОВГОРОДОВА, култуура сайдыытын уонна норуот айымньытын Оройуоннааҕы киинин методиһа Надежда ИВАНОВА үлэлээтилэр. Бэстибээл-күрэх сарсыарда 10.00 чаастан киэһэ 20.00 чааска дылы ньиргиччи барда. Балаһыанньа быһыытынан Бүлүүтээҕи И. М. Гоголев-Кындыл аатынан норуодунай тыйаатыр режиссера, Маргарита Алексеевна СОКОЛОВА 80 сааһын чиэһигэр ыытылларынан сибээстээн туруоруулар саха норуодунай бэйээтэ Иван Гоголев-Кындыл айымньылара буолуохтаах этэ. Онон, күрэххэ кыттар тыйаатырдар суруйааччы норуокка киэҥник биллэр «Иннэ үүтүнэн», «Абааһылаах өтөх», «Эр дьону эмиэ харыстааҥ!», «Наара суох» пьесаларын көрдөрдүлэр. Бары туруорууларга режиссердар тус-туспа көрүүлээхтэр, тус-туспа талааннаах толорооччулар оонньууллар. Ол эрэн, Кындыл айымньылара олоххо утарсыы уонна сөптөөх суолу талыы, сүүйтэрии уонна өрөгөй, ханнык да кэмҥэ көлдьүн уонна ыраас санаа өрүү баалларын, дьону толкуйдаталларын, кини айымньылара сырдыкка сирдиир аналларынан өрүү тыыннаахтарын өссө төгүл бигэргэттилэр. Күрэх бүттэ, кыайыылаахтар ааттаннылар. "Айар суолу көрдөөһүн уонна тыйаатыр ускуустубатыгар бэриниилээх буолуу» номина