Бүлүүлэр Иван Егорович Алексеев – Хомус Уйбаан — 23 марта 2026 г. в 06:49:08.164
Бүлүүлэр Иван Егорович Алексеев – Хомус Уйбаан 85 сааһын дьоһуннук бэлиэтээтибит Сааскылыы чаҕылхай кулун тутар 18 күнэ бүлүүлэргэ биир дойдулаахпыт тыл үөрэҕин билимин дуоктара, М.К.Аммосов аатынан Хотугулуу-Илиҥҥи бэдэрээлинэй үнүбүрсүтүөт бэрэпиэссэрэ, ССРС билимин Академиятын Сибиирдээҕи салаатын үтүөлээх бэтэрээнэ, саха хомуһун аан дойдуга аатырпыт, Аан дойдутааҕы хомус киинин уонна түмэлин бирисидьиэнэ, Арассыыйа култууратын үтүөлээх үлэһитэ, Саха АССР култууратын үтүөлээх үлэһитэ, Саха сирин комсомолун лауреата, уопсастыбаннай диэйэтэл, Дьокуускай куорат, Бүлүү уонна Эдьигээн улуустарын, Кыргыдай нэһилиэгин Ытык киһитэ ИВАН ЕГОРОВИЧ АЛЕКСЕЕВ – ХОМУС УЙБААН үбүлүөйдээх 85 сааһыгар аналлаах долгутуулаах өрөгөй күнүнэн буолла. М.Н. Жирков аатынан култуура Дыбарыаһын фойетыгар Аан дойдутааҕы Хомус Киинин уонна Түмэлин (дириэктэр Д.Д. Бястинов) Иван Егорович олоҕун уонна үлэтин, айар дьарыгын туһунан дьоһуннаах хаартыска быыстапката, И.М.Гоголев-Кындыл аатынан Бүлүүтээҕи кииннэммит бибилитиэкэ ситимин (дириэктэр Н.Н. Харлампьев) «Куйаартан кутуллар дорҕооннор» кинигэ быыстапката, Бүлүү хомус охсор уустарын быыстапката, М.Н. Жирков аатынан Бүлүүтээҕи оҕо ускуустубатын ойуулуур-дьүһүннүүр филиалын (сэбиэдиссэй А.Е. Иванов) оҕолор хомус туһунан уруһуйдарын “Бүлүү – хомус биһигэ” быыстапката тардылынна. Манна ордук дьон сэҥээриитин Хомуска аналлаах сахалыы ураты тыыннаах сонун инсталяция ылла. Куйаартан кутуллардыы хомус абылаҥнаах дорҕооно кутуллар... Сценаҕа Ытык Бүлүү хомус биһигэ буоларын туоһулуур сиэдэрэйдик симэммит кыргыттар, “Вилдэнс” үҥкүү ансаамбылын (сал. Ю.П. Федорова) кытта долгуһан киирэн өрөгөйдөөх дьоро киэһэни арыйдылар. Ыытааччылар Саха Өрөспүүбүлүкэтин үөрэҕириитин уонна култууратын туйгуна Луиза КОНОНОВА уонна Александр ИВАНОВ-УОЛ СОМОҔО истиҥник – иһирэхтик бар дьоннорун эҕэрдэлээн өрөгөйдөөх тэрээһиммит кэтэһиилээх кэрэ киһитин ИВАН ЕГОРОВИЧ АЛЕКСЕЕВ – ХОМУС УЙБААНЫ сценаҕа ыҥырбыттарын бар дьон сүһүөҕэр туран уруйдаан көрүстэ. Луиза Яковлевна биэчэр устата Иван Егоровичтыын олох, идэ, айар үлэ умсулҕанын, дьолун туһунан кэпсэтиини сэргэхтик, иһирэхтик ыытта. Иван Егорович “Эдэр-сэнэх эрдэххэ...” саҥа тахсыахтаах кинигэтин эрэдээктэрэ, Хомус түмэлин уонна киинин билимин уонна сырдатыы үлэҕэ мэтэдииһэ Кия АММОСОВА туһунан киэҥник билиһиннэрбитин истэн көрбүт-аахпыт курдук сананныбыт. Иван Егоровиһы Бүлүү улууһун баһылыгын промышленноска уонна инфраструктураҕа солбуйааччы Эдуард ЭВЕРСТОВ, Бүлүү куоратын баһылыгын солбуйааччы Николай ИВАНОВ, Оройуоннааҕы култуура уонна норуот айымньытын сайдыытын Киинин салайааччытын э.т. Эльвира КОРЯКИНА, улуус бэтэрээннэрин Сэбиэтин бэрэссэдээтэлэ Федор НИКОЛАЕВ, Бүлүү куоратыгар олорор биир дойдулаахтара, кыргыдайдар, Дьөккөнтөн «Хомуһун» хомусчуттар бөлөх салайааччыта Айал ДМИТРИЕВ, И.Ф. Захаров – Кылыадьы Уус аатынан Хомус түмэлин сэбиэдиссэйэ Наталья СЕРГЕЕВА, “Алгыс” фольклорнай бөлөх салайааччыта Августина ЕВСЕЕВА, улуус тимир уустара Николай ГОГОЛЕВ эҕэрдэлээтилэр. Бу киэһэ хомус барахсаны уруйдуур ырыалары “АЛГЫС” фольклорнай бөлөх (сал. Саха Өрөспүүбүлүкэтин култууратын үтүөлээх үлэһитэ А.П. Евсеева), П А.Петров аатынан оройуоннааҕы киин балыыһа «АЙАР КУТ» этнофольклорнай ансаамбыла (сал. Саха Өрөспүүбүлүкэтин доруобуйатын харыстабылын уонна култууратын туйгуна С.П. Харлампьева), «ХОМУҺУН» хомусчуттар бөлөхтөрө (сал. Саха Өрөспүүбүлүкэтин култууратын туйгуна, Айал Дмитриев), ымыылаах ырыаһыттарбыт Саха Өрөспүүбүлүкэтин үөрэҕириитин уонна култууратын туйгуна Матрена СИВЦЕВА, Анна ЧЕРКАШИНА, Кыргыдайтан Ульяна ЖИРКОВА, Чинэкэттэн Евгений КОРЯКИН, Василий НИКОЛАЕВ, Иннокентий ШАМАЕВ, Ольга КОРЯКИНА триолара толордулар. Үбүлүөйдээх тэрээһин кэрэхсэбиллээх ыалдьытынан киэн туттар биир дойдулаахпыт БҮЛҮҮ ХОМУС ХОТУНА, Саха Өрөспүүбүлүкэтин үтүөлээх артыыһа, «Душа России” Арассыыйа Бырабыыталыстыбатын бириэмийэтин лауреата, виртуоз-хомусчут, Аан дойду култууратын уонна ускуустубатын маастара, нор