уоттар икки ардыларынааҕы хомус уопсастыбатын бырабылыанньатын чилиэнэ, «Айархаан” этно... — 23 марта 2026 г. в 06:49:08.419
уоттар икки ардыларынааҕы хомус уопсастыбатын бырабылыанньатын чилиэнэ, «Айархаан” этно-бөлөх төрүттээччитэ уонна салайааччыта, Бүлүү улууһун уонна Кыргыдай нэһилиэгин бочуоттаах олохтооҕо, Альбина ДЕГТЯРЕВА буолла. Айар кутун анала, олоҕун арахсыстат аргыһа хомуһун дьүрүскэн тойугунан Иван Егоровичка махталын эттэ, дойдутун дьонун эҕэрдэлээтэ. Дьоро киэһэ өрөгөйдөөх түгэнинэн Оройуоннааҕы култуура сайдыытын уонна норуот айымньытын киинин хормейстера, Саха Өрөспүүбүлүкэтин култууратын үтүөлээх үлэһитэ Ольга КОРЯКИНА салайар холбоһуктаах хуорун толоруутугар Альбина Дегтярева тылларыгар, Николай Петров дьүрүлүгэр «ХОМУС ГИМНЭ” аан бастаан сүрэхтэниитэ буолла. Саха этигэн хомуһа барахсаны хайҕаан, таптаан, сүгүрүйэн уруйдуур ырыаны биэчэр кыттыылаахтара сүһүөххэ туран дохсун ытыс тыаһынан уруйдаатылар. Иван Егорович долгуйан, үөрэн, махталын этэн туран күргүөм хомус тардыытыгар ыҥырбытыгар Альбина Дегтярева, Айал Дмитриев, Августина Евсеева кыттыстылар. 200-кэ биэчэр кыттыылаахтара хомуспутун таһааран сэттэ мүнүүтэлээх күргүөм тардыыга кыттыһаммыт сахабыт хомуһун үрдүккэ кынаттыыр, дьикти эйгэни үөскэтэр умсулҕаннаах тойугунан үбүлүөйдээх кэрэмэс киһибитигэр сүрэхпит сылааһын, үтүө санаабыт үтүмэнин, Алгыспыт бастыҥын анаатыбыт. Надежда Иванова, Саха Өрөспүүбүлүкэтин култууратын үтүөлээх үлэһитэ, Арассыыйа суруналыыстарын Сойууһун чилиэнэ