Бер килерсең, беләм... Килгән чакта — 12 июня 2026 г. в 18:00:04.860
Бер килерсең, беләм... Килгән чакта Борылып тик артка карама. Узганнарда булган моң-сагышлар Әкрен-әкрен барыбер тарала... Керфекләрем минем чыланганда, Кайда идең, кайда йөрдең син? Күкрәк тулы сары сагыш белән Яшәвемне юкса белдең бит... Язмышларга кемнәр закон яза, Кемнәр аны куя гамәлгә?! Дәгъваларны ничек белдерергә Ялгыш узган тиле гомергә? Якыннарга кайчак күз дә салмый, Җиде яттан сөю көтәбез. Ә соңыннан, үкенечкә батып, Гомер юлларыннан үтәбез... ...Ә шулай да кил син. Чәйнек куям. Ялгап торып тормыш өзеген, Элеккечә икәү чәй эчәрбез. Беркемгә дә бирмәм үзеңне... ХАЛИСӘ ШИРМӘН
2 057 просмотров