Бүгүн, сэтинньи 5 күнүгэр, киэн туттар биир дойдулаахпыт, Дыгын оонньууларын 6 төгүллэ...
Бүгүн, сэтинньи 5 күнүгэр, киэн туттар биир дойдулаахпыт, Дыгын оонньууларын 6 төгүллээх чемпиона (1998, 2002-2006), XVII-c Манчаары оонньууларын чемпиона, 2000 сыллаахха Покровскайга, 2007 сыллаахха Сунтаарга ыытыллыбыт Саха Республикатын норуоттарын спартакиадатын төгүллээх кыайыылааҕа, мас тардыһыытыгар Россия 3 төгүллээх, Саха Республикатын 7 төгүллээх чемпиона, мас тардыһыытыгар Саха Республикатын спордун маастара, "Гражданскай килбиэн" бэлиэ хаһаайына, Нам улууһун, Түбэ нэһилиэгин Ытык киһитэ НИКОЛАЙ ВИКТОРОВИЧ ДЬЯКОНОВ 49 сааһын бэлиэтиир дьоро күнэ! Убаастабыллаах Николай Викторович! Күндү киһибит Наммыт улууһун чиэһин аар-саарга аатырдан кэллин. Эн быһыйгынан, сымсаҕынан, күүскүнэн-уоххунан, мындыр өйгүнэн ситиспит чаҕылхай көрдөрүүлэрин Сахабыт сирин, Наммыт улууһун спордун историяларыгар көмүс буукубанан сурулуннулар. Чаҕылхай ситиһиилэрин биһиги спортсменнарбытыгар саҥаттан саҥа чыпчааллары дабайыыга угуйар сулус буолаллар, улууспут, Сахабыт сирин спортка көрдөрүүлэрэ үрдүк таһымҥа тахсалларыгар олук уураллар. Нам улууһун дьоно-сэргэтэ эйигинэн киэн туттабыт! Эн ситиһиилэриҥ бүтүн Саха сирин спордун, төрүт өбүгэ оонньуулара сайдыыларыгар, үүнэр көлүөнэни иитиигэ сүдү кылаат буолаллар! Убаастабыллаах Николай Викторович! Өссө төгүл эҕэрдэлээн туран, чэгиэн-чэбдик доруобуйаны, дьиэ кэргэҥҥэр дьолу-соргуну, үлэҕэр-хамнаскар ситиһиини баҕарабын! "Нам улууһа" муниципальнай оройуон баһылыга Юрий Иннокентьевич Слепцов
Канал в каталоге Максиметера
555 подписчиков · Госорганы и учреждения