Регионийн лакхарчу даржашкахь болчу наха а, пачхьалкхан кхочушдаран органаша а болх бар... — 18 июня 2026 г. в 14:03:57.351
Регионийн лакхарчу даржашкахь болчу наха а, пачхьалкхан кхочушдаран органаша а болх баран рейтингехь Россин Федерацин субъекташна йукъахь хьалхарчу меттигехь йу Нохчийн Республика. Цу хьокъехь телеграммерчу шен агӀонехь хаам бина Нохчийн Республикин Мехк-Дас Кадыров Рамзана. "Тахана Нохчийн Республика социальни-экономикин декъехь а, къоман проекташ кхочушйарехь а, инфраструктура, дешар, могашалла Ӏалашйар, культура кхиорехь а, кхийолчу мехалчу агӀонашкахь а лакхара жамӀаш гойтуш кхуьуш схьайогӀуш йу. И кхиамаш Россин Президента Путин Владимира гуттар гӀо дар а, регионан Ӏедалан пачхьалкхан органийн командо а дика болх бар а бахьана долуш баьхна бу. Къаьсттина билгалдаккха лаьа сан хьомечу ВАШАС, НР-н Правительствон Председатела Даудов Мохьмада хьоьгуш долу къа. Цуьнан корматалла а, лакхара жоьпалла а бахьана долуш чӀогӀа мехала йолу проекташ лакхарчу тӀегӀанехь кхочушйеш йу. Даггара баркалла боху Даудов Мохьмадна а, цуьнан заместительшна а, министерствийн, ведомствийн, муниципалитетийн куьйгалхошна а, вайн республикин дуьхьа къа мел хьоьгучунна а. Вайн мохк кхиорна йукъа шен хазна йуьллуш мел волчун кхиам бу иза", – йаздина Кадыров Рамзана.