ХIора а шарахь, хӀутосург беттан 10-чу дийнахь, вайн махкахь билгалдоккху Нохчийн Респу... — 10 мая 2026 г. в 07:20:29.412
ХIора а шарахь, хӀутосург беттан 10-чу дийнахь, вайн махкахь билгалдоккху Нохчийн Республикин халкъийн Иэсан а, лазаман а де. И де билгалдаккхаран хьокъехь долчу Указана Нохчийн Республикин Мехк-Дас Кадыров Рамзана куьг йаздина 2011-чу шеран оханан баттахь. Цу дийнахь вай дагалоьцу нохчийн халкъана тIехIиттина бохамаш - нохчийн халкъ махках даьккхинчу муьрехь а, Сийлахь-боккхачу Даймехкан тIамехь а, Нохчийчохь хиллачу тIаьхьарчу шина тIамехь а бӀеннаш эзарнашкахь кхелхина вайн халкъан векалш. Республикехь машаре дахар а, къепе а хилийтаран дуьхьа, бакъдолу Ислам-дин дӀахӀотторан дуьхьа, Россин пачхьалкхан цхьаалла ларйаран дуьхьа шен дахар дӀаделла вайн хьалхарчу Президента, Россин Турпалхочо Кадыров Ахьмад-Хьаьжас (Дала гӀазот къобалдойла Цуьнан). Нохчийн халкъан тоьлла кӀентий даима а вайн иэсехь буьсур бу. Кадыров Ахьмад-Хьаьжас дӀаболийначу а, Цуьнан кӀанта, Нохчийн Республикин Мехк-Дас, Россин Турпалхочо Кадыров Рамзана схьабохьуш болчу а некъана даима а тешаме хир ду вай!