Ачуың килсә, кесәдән йодрык күрсәтәсең
Ачуың килсә, кесәдән йодрык күрсәтәсең Танылган диктор Наилә Ногманованы белмәгән кеше юктыр. Безнең буынның күбесе аны “Мыраубатыр” телеспектакле аша хәтерли. “18 ел телевидениедә эшләү дәверендә, сыйфатлы дип билгеләп үтелгән күпме тапшырулар алып бардым. Ә халык күңеленә шул “Мырубатыр” сериалы белән кереп калдым. Урамда балалар “Мыраубатыр апа” дип дәшәләр иде миңа”, –ди Наилә апа. Ире Ринат абый инсульт кичергәннән соң 10 ел урын өстендә, Наилә апа тәрбиясендә. –Ринат белән гомер итә башлавыбызга 64 ел. Икебез дә Саба районы Шәмәрдән бистәсеннән. Балалар бакчасына бергә йөрдек. Шуннан бирле бергә. 18 яшемдә аңа кияүгә чыктым. Үземне Ринат янында сумкадан башын гына чыгарып карап торган көнгерә баласы кебек хис итәм. Ринат мине гомере буе яклап, саклап килде, –ди Наилә апа. –Тормыш булгач, сүзгә дә киләсең, бәхәсне зурга җибәрмәс өчен нәрсә эшлисез? –Ачуың килсә, кесәдән йодрык күрсәтәсең. Беркайчан да ямьсезләнеп, тавыш күтәреп талашканыбыз булмады. Ринат кызып китүчән булса да, тыелып кала белә. Үзем дә сабырдыр инде. 32 ел кайнана белән тату яшәдек. Гаилә ул бәллүр сарай. Анда яшәүчеләр таш атышырга тиеш түгел, дигән бер акыл иясе. Кирәк чакта дәшми белергә дә кирәк. Наилә апа элек курчак театрында эшләгән, 31 яшендә генә телевидениегә килгән. Тулырак "Ирек мәйданы" газетасында.