Бүген асыл карендәшебез - үзешчән этнограф, керәшен этник костюмы буенча белгеч, «Туган... — 8 июня 2026 г. в 09:06:33.814
Бүген асыл карендәшебез - үзешчән этнограф, керәшен этник костюмы буенча белгеч, «Туганайлар» газетасының ветеран журналисты Валентина Максимова үзенең 70 яшьлек юбилеен билгеләп үтә🎉🎂 Валентина Петровна - халкыбыз киләчәге өчен янып-көеп йөрүче, бай мәдәни мирасыбызны саклау һәм аны киләчәк буынга тапшыру буенча бик күп эшләр башкаручы карендәшләребезнең берсе. Республикадагы бик күп керәшен фольклор ансамбльләренә милли кием буенча үзенең киңәшләрен биреп, сокланырлык костюмнар текте ул. Җырчы Җәкәү җорты да аның иҗат җимешләре белән бизәлгән. Ул теккән костюмнарга, панноларга, тамаксаларга сокланмаган кеше юктыр! Әле бу ел башында гына Валентина Максимова һәм Юлия Губина авторлыгында керәшеннәрнең этнографиясенә багышланган «Мирас» («Наследие») китабы дөнья күрде. Җыентыкта Валентина Петровна туплаган шулхәтле күп мәгълүмат урын алган! Хөрмәтле Валентина Петровна! Сезне Җырчы Җәкәү җорты коллективы исеменнән туган көнегез, матур юбилеегыз белән котлыйбыз💐 Сезгә корычтай нык сәламәтлек, озын бәрәкәтле гомер, күңел тынычлыгы телибез. Һаман да шулай ачык йөзле, олы йөрәкле булып калыгыз. Яңа иҗат җимешләре тудырыр өчен бетмәс-төкәнмәс энергия, дәртегез ташып торсын. Озын-озак еллар уртак эшебездә бергә иҗат итәргә язсын🙏