Звенигово районысо Сидельниково ял воктене «Рассвет» озанлык умлам кушта.
Звенигово районысо Сидельниково ял воктене «Рассвет» озанлык умлам кушта. Эртыше кечылаште Марий Эл Республикын ялозанлык да продовольствий министр Павел Раевский тиде предприятийышке умлам погымо, коштымо пашам ончен лектын. Марий Эллан умла - таче шке шотан историй. 2025 ийыште 16,8 гектар умла кумдык гыч 17 тонн кукшо умлам погымо. 2026 ийыште саскам пуышо ийготан кумдык гыч 14,8 гектарыште 18 тонн кукшо умлам погышаш улыт. «Рассвет» ялозанлыкыште умлам куд кумдыкышто куштат. Ялозанлык министерствыште да агрофирмыште пашам механизироватлыме, куштылемдыме шотышто шонат. Мемнан ик тыгай предпритийым арален кодаш кӱлеш манын, палемдат. Ӱмаште умлам пасу гыч 38 кечыште кораҥденыт гын, тений тиде пашам 23 кечыште ыштен колташ шонат. Вес тургымлан озанлыкыште у кӱкшытышкӧ лекме нерген ойлат. Фото: vk.ru/mncx_rme