Тений индеш тылзыште Марий Элыште 547 корно туткар лийын.
Тений индеш тылзыште Марий Элыште 547 корно туткар лийын. Тидын нерген Кугыжаныш автоинспекцийын регионысо отделенийын вуйлатышыже Владимир Мухачев палдарен. ДТП-ште 44 еҥ ӱмыр лугыч лийын, 720 еҥ сусырген. Корно туткар-влакын тӱҥ амалышт - транспортын ваш тӱкнымашыже, тыгак йолешке-влакым тӱкен кайымаш, кумшо амал - корно гыч кумыкталтмаш. Тидын дене пырля автомашинам виктарыше-влакым эскерен шуктыдымашыштым, телефон да гаджет-влак дене кудалме годым пайдаланымым да йӱшӧ вуя руль ончыко шичмым палемдат. Кугыжаныш автоинспекцийын вуйлатышыже палемден, пычкемыш жапыште еҥ-влак корнылаште кайыме годым вургемыш тораш койшо палым пижыктышаш улыт.
147 просмотров