Марий Эл Правительствын заседанийыштыже 2027 ийлан социал-экономике могырым вияҥмаш нер...
Марий Эл Правительствын заседанийыштыже 2027 ийлан социал-экономике могырым вияҥмаш нерген мутланеныт. Промышленность икшырымын кушкаш тӱҥалеш. Тӱҥ шотышто кӱкшӧ технологиян производствым вияҥдымылан тӱткылыкым ойырат. Промышленностьым вияҥдыме фондлан 1 миллиард теҥге докапитализацийлан палемдалтеш, тудын дене 27 инвестиций проектлан полшат. 2027 ийлан Марий Эллан промышленность министерстве 100 миллион теҥгем палемда. Тиде предприятий-влаклан оборудованийым уэмдымылан роскот. Ялозанлыклан 2,5 миллиард тенге бюджет гыч шийвундо ойыралтеш. 2029 ий марте шылым 381 тӱжем тонн, шӧрым 253 тӱжем тонн, муным 577 миллион штукам ыштен налаш палемдат. Кум ийыште 1,7 миллион квадрат метр илымверым чоҥышаш да 13 социал объектым ыштен шуктышаш улыт. Ты радамыште Йошкар-Олаште да Волжскышто кум школым, Медведевышто йоча сымыктыш школым, Черняков уремыште рекреаций верым, Юрино посёлкышто пассажир причалым. 2029 ийлан турист-влакын чотышт 1,5 миллион марте шукемшаш. Тыгодым изирак да кокла бизнесыште пашам ыштыше-влакын чотышт 116 тӱжем гыч 121 тӱжем еҥ марте ешаралтшаш.