Марий Элын вуйлатышыже Юрий Зайцев Россий Федерацийын национальный гвардийын Юл кундемы...
Марий Элын вуйлатышыже Юрий Зайцев Россий Федерацийын национальный гвардийын Юл кундемысе округын командующийже генерал-полковник Сергей Просяник дене вашлийын. Тудын дене сайлымаш жапыште лӱдыкшыдымылык нерген мутланеныт. Тиде арняште мемнан эллан кугу да пале событий лиеш - Кугыжаныш Думын депутатше-влакым сайлымаш. Марий Элыште Росгвардий виктемын сотрудникше-влак тӱшка верлаште лӱдыкшыдымылыкым эскераш тӱҥалыт. Росгвардийын Юл кундемысе округын командующийже ведомствын пашаже нерген палдарен да официально регион вуйлатышым Марий Элыште ты ведомствын у начальникше Сайдмагомед Юнаев дене палдарен. Тудо шуко жап МВД органлаште службым эртен, 2016 ийыште Росгвардийыш куснен. Вашлиймаш дечын вара Юрий Зайцев да Сергей Просяник Росгвардийым ыштымылан 10 ий да Российыште правопорядке войскан 215 ий теммыже лӱмеш ваштар-влакым шынденыт. Тачысе кечын Марий Элыште Росгвардийыште «Берсерк» СОБР да «ТАИР» ОМОН, тыгак лицензионно-разрешительный паша рӱдер да вневедомственный охране пурат. Специальный операцийыш ушнышо республикысе Росгвардийын сотрудникше гыч 70 наре еҥ кугыжаныш награде дене палемдалтыныт. Фото: vk.ru/yvzaitsev
Канал в каталоге Максиметера
720 подписчиков · Медиа и блоги