Йошкар-Олаште Российын калык художникше Зосим Федорович Лаврентьевлан мемориал плитам п...
Йошкар-Олаште Российын калык художникше Зосим Федорович Лаврентьевлан мемориал плитам почыныт. Тудо Кремлевский урем, 25 адрес дене верланен. Зосим Лаврентьев 1933 ийыште Курыкмарий районысо Эсяново ялыште шочын. Сӱрет сымыктышым вияҥдымаште кугу пашам шуктен. Кугу Отечественный сарын ветеранже-влакын сӱрет галерейыштым икымше чумырен, шуко портретым шкеже возен. 11 ий «Пачемыш-Оса» журналын художественный редакторжо лийын. Марий книга издательствын 147 книгажым сылнештарен. Сӱретче-влак ик эн кугу поянлыклан шотлалтыт. Шке пашаштыже автор марий кундемын сылне вержым ончыктен, ик эн йӧратыме жанрже - пейзаж лийын. Зосим Лаврентьевын сӱретше-влак Республикысе тоштерлаште аралалтыт.
Канал в каталоге Максиметера
720 подписчиков · Медиа и блоги