Сайлымашын –кокымшо кечыже.
Сайлымашын –кокымшо кечыже. Республикыште илыше-влак Россий регион-влак дене пырля Кугыжаныш Думын депутатше-влакым ойырат. Тыгак икмыняр регионышто верысе депутат-влакым ойырат. Марий Элыште 495 участке шке омсажым почын. Тышечын 491 палемдыме верлаште, 4 жаплан ыштыме участке-влак. Регионын сайлымаш спискыштыже 518 тӱжемат 271 еҥ. Сайлымашым 5000 утла еҥ координироватла. Йӱклымашын закон дене келшышын эртымыжым 2302 мер эскерыше терга, тыгак тӱшка увер кыл гыч 55 журналист тиде кечылаште пашам ышта. 241 участкыште онлайн-трансляций уло, молышто видеокамере-влак улыт. Икмыняр йӧн дене йӱклыш лиеш: сайлымаш участкыште, мӧҥгыштӧ але дистанционно. Электрон йӱклаш йодмашым 81 тӱжем утла еҥ пуэн. Кажне участкыште МВД да Росгвардий пашаеҥ-влак дежурствышто улыт, пурымаште металлодетектор-влакым вераҥдыме. Йӱклымаш кум кече: 18, 19 да 20 сентябрьыште шуйна.