«Снегурочка» балетым Россий регионлаште ончыктат.
«Снегурочка» балетым Россий регионлаште ончыктат. Тений октябрьыште Я.Эшпай лӱмеш Марий кугыжаныш филармоний Уфа, Челябинск, Тюмень, Курган, Нефтеюганск, Нижневартовск, Ханты-Мансийскыште «Мы - Россия» федерал программе дене келшышын ончыкта. Коллектив Петр Чайковскийын да Григорий Архиповын семыштлан «Снегурочка» балетым аклаш темла. Тиде балетлан сюретым Сберын искусственный интеллектше полшымо дене ыштеныт. «Снегурочка» балет Э. Сапаев лӱмеш опер да балет театрын да Я.Эшпай лӱмеш Марий кугыжаныш филармонийын пырля ыштыме проектше. Хореораф-постановщик-влак - театрын художественный вуйлатышыже Константин Иванов, тыгак «Марий Эл» кугыжаныш куштышо ансамбльын вуйлатышыже-влак Александр ден Елизавета Селивановмыт. Фото: vk.ru/marieloperaballet