Дачань азорхненди—штрафонь пандомать коряс каготт — 13 июня 2026 г. в 11:27:00.746
Дачань азорхненди—штрафонь пандомать коряс каготт Дачань азорхнень лемс ушедсть сашендома штрафонь пандомать коряс каготт, коса пачфневи участкатнень эса эрь кодама нарушениятнень колга. Тяфтама уведомлениятнень лангс эстокиге шарфнемс мяль аф эряви, сяс мес тясовок ули кода повомс мошенникнень килькшс. Аферисттне кучсихть аф видексонь уведомленият, коса тяштьф модань законодательствать коламанц колга. Сообщенияса ули ссылка «ярмаконь кирьфтазь штрафть пандомац». Кда ломанць ётай тя ссылкати, меле сон аф сувави «Госуслуги» личнай кабинетозонза—мошенникне эстокиге фатнесазь учетнай даннайхнень. Сяда тов аферисттненди ули кода сявомс эсь кядялост тинь ярмаконтень. Кода пачфни модань и имущественнай отношениятнень коряс Госдумань Комитетть председателец Сергей Гаврилов, штрафонь пандомать инкса каготтне кучсевихть колма способонь коряс: 1.Заказной сёрма вельде. 2. «Госуслуги» личнай кабинетть вельде. 3.Административнай тевть ваномда меле кагодсь макссеви лична ломанти. Кда получаде уведомления, васенда проверясть, ётафневсть ли тинь мода лангсонт кодамовок контрольнай мероприятият. Кда тинь ся вастса аш мода пакшенте, а постановления кучсть—нят мошенникт. Тя случайста ули кода тяштьфтемс пря приёмс Росреестрань территориальнай управленияв. Кда ни кенереде ётамс ссылкать вельде и сувафтость даннаентень, эста эряви куроконя «Госуслуги» личнай кабинетса полафтомс парольть, проверямс банковскяй счётонтень и тяштемс полицияв заявления. Кда тянь семботь курокста тисасть, сяда кржа шанста ляды мошенникненди ётафтомс кодама-повсь операцият тинь ярмаконтень мархта.