Мошенникнень мархта сотф прябалат — 13 июня 2026 г. в 11:36:00.971
Мошенникнень мархта сотф прябалат Мордовия Республикань пресс-центраса ётась пресс-конференция, коса примасть участия МВД-нь региональнай и Мордовияса Россиянь Банконь Отделениянь представительхть. Пингстонза республиканскяй СМИ-нь журналисттненди пачфтезь мошенничествать мархта сотф каршек ащемань прябалатнень колга. Мордовия Республикать эзга МВД-нь информациянь и общественнай связень начальникть полафтыец, внутренняй службань подполковниксь Татьяна Вихляева азозе, што мошенникнень мархта сотф прябалат стаки улихть. Аньцек 2025 кизоня афтерькснень килькшс повсь 1200 Мордовиянь эряй— синь мошенникненди ётафтсть пцтай 500 миллион цалковай. Тя кизоть вете ковонь потмоста телефононь аферисттнень килькшс повсь 550 ломань, мезть сюнеда синь юмафтсть 160 миллион цалковай. Мошенникнень инь содаф и сидеста васьфневи способсна—ярмакнень несанкционированнай списаниясна, сяда меле аф пелькс счеттненди ётафтомасна. Лама преступленияда тиендеви сайтса питнефтома объявлениятнень эса товаронь мимать и рамамать колга. Мекольдень пингть афтерькснень килькшс повондыхть специальнай военнай операциянь участникнень мала ломаньцна.