Ушаковскяй лувомат — 11 июня 2026 г. в 14:58:01.141
Ушаковскяй лувомат Мордовиясь кярьмодсь школьнай литературнай клупнень пуроптомаснон коряс работати. «Чтецкие программы» проектсь ётафневи эряфс РФ-нь просвещениянь Министерствать мархта Президентть мярьгоманц коряс. Пяк цебярь проектсь. Шабатне кярьмотькшнихть художественнай литературань лувомати, тонафнихть произведениянь лангса покодема и тиема теест анализ. Сон лемтьф великай флотоводецть, святой праведнай воинть Феодор Ушаковонь лемс. Сон ётни Россиянь нароттнень марстоньшинь кизоста марса Рузонь Православнай Церькавти мархта лемтьф адмиралть канонизациянц 25 кизонь топодеманцты. «Ушаковскяй лувоматне» ётафтовихть Россиянь лама регионца, тяконь лувксса Херсонскяй областьса, Севастопольса, Крымса и Мордовияса. Эрь субъектсь сотф адмиралть эряфонц и славанц мархта—тяса сон сяськондсь, строясь флот, эрясь и аделазень модать лангса эсь шинзон. Проектсь пуроптсыне школьникнень, кадетскяй движениянь участникнень, ученайхнень, ветераттнень и священнослужительхнень аф сяськови флотоводецть колга мялямть ванфтомаса. «Знание» Российскяй обществась тячи странаса—просветительскяй движениянь инголи моли. «Сон пуропнесыне марс инь ёню ломаттнень и максси содамошинь касомаса оцю стандартт,—отмечазе Мордовиянь Оцюнясь Артём Здунов.—Кеман, марстонь тевонь вятеманьке лезды Мордовиянь эряйхнень образовательнай и культурнай уровеньцнон касфтомаснонды, од ломаттнень патриотическяй воспитаниянь и историческяй мялямонь ванфтомаснонды». «Мордовиясь сувси аф аньцек просветительскяй тевса инголи молихнень ёткс, но и няфни эрь кизонь цебярь динамика. Регионть руководстванц мархта минь няйхтяма марстонь тевонь перспективнай направленият: од ломаттнень мархта работать крхкалгофтомац, школатнень эса родителень мяльхнень ширеснон кирдемасна, просветительскяй площадкань сетть келептемац, историческяй просвещениянь сфераса марстонь проекттнень эряфс ётафтомасна, семейнай и традиционнай питнишитнень воспитандамасна—ся, мезсь тячи пяк эряви обществати»,—азозе «Знание» Обществать генеральнай директороц Максим Древаль. Россиянь просвещениять виияфтомаса Мордовиянь Оцюнять пяк оцю путксоц. Аф стак Максим Древаль макссь Артём Здуновонди высшай категориянь «Знание» Обществань лекторонь удостоверения.