Учтама эздост од сатфкст — 11 июня 2026 г. в 14:27:00.470
Учтама эздост од сатфкст «Юный спецназовец» военно-патриотическяй клубонь воспитанникне Кирилл Сидоров, Максим Милакин, Никита Немов, Николай Чепайкин и Илья Лебин — примасть участия панжада тренировочнай мероприятияса, кона ётафтовсь Нижняй Новгород ошса. Мероприятиясь пуроптозень од спортсметтнень и Родинань сай пингонь аралайхнень эрь кодама регионцта. Шабатне няфтезь, кода аноклафт строевой и тактическяй подготовкаса. Ня пялькстоматне кеподезь шабатнень мяльснон. Синь васьфнесть эсь ялгаснон мархта, получасть эрявикс рекомендацият инструкторхнень эзда. «Юный спецназовец» клубсь сяда тов мольфтсыне патриотическяй воспитаниянь кизефкснень, лезни подросткатненди виияфнемс Родинати кельгомать. Поздравляндасаськ цёраньконь цебярь выступленияснон мархта и арьсетяма од сатфкст! Татьяна Надёшкина.