Пуропнезь предпринимательхнень — 11 июня 2026 г. в 13:48:01.075
Пуропнезь предпринимательхнень Аф кунара Сире Шайгавонь муниципальнай райононь администрацияса ётась бизнес-сообществань представительхнень мархта круглай шрать заседанияц. Ванондовсь бизнесть путксоц Сире Шайгавонь муниципальнай районть социально-экономическяй ширде виияманцты. Ялгаксшинь атмосфераса предпринимательхне, фермерскяй хозяйствань вятихне, предприятиянь оцюнятне ванозь тяниень пингонь инь эрявикс кизефкснень, корхтасть сай пингонь планцнон колга. Теест пшкядсь райононь оцюнясь Г.А.Мухин. Эсь опытснон колга азондсть Л.С.Кибакова, А.Г.Хващевская. «Конопатское» ООО-нь директорсь В.И.Рубцов азондсь эсь хозяйствасонза тефнень колга. Предпринимательствать колга корхтась и «Старошайговагропромснаб» АО-ть вятиец А.И.Фролов. Эсь мяльснон-арьсемаснон кепотьф кизефкснень коряс азозь Н.П.Калявин, А.Ф.Пивкин. Ульсть и казнет. Цебярьста покодеманкса ламоц предпринимательхне казьфтольхть Мордовия Республикань Государственнай Собраниянь, Правительствань Благодарностьса. Ламоль казнеда и Сире Шайгавонь муниципальнай райононь администрациять эзда. «Лада» народнай ансамбльсь казсь лама цебярь мора.